დაპირებული ისტორია :)
ჩვენს უნივერსიტეტში ძალიან საინტერსო ლექტორები ასწავლიან. ამ მხრივ განსაკუთრებით გამორჩეულია ჟურნალისტიკის ფაკულტეტის პროფესურა.
სულ რამდენიმე თვეა, რაც ძველ და შუა საუკუნეების ქართულ მწერლობას ქალბატონი სალომეა ყუბანეიშვილი გვიკითხავს. განსხვავებული ახსნის სტილით მან მალევე მოიპოვა სტუდენტების სიყვარული. გარდა ქართულ მწერლობაზე საუბრისა, ის ხშირად გვიყვება თავის ცხოვრებაზე. "ქალი კივა" სწორედ ცხოვრებისეული ისტორიებიდანაა.
მისი ნათესავი (იმერელი) დიდი ინტერესით წასულა ოპერის სანახავად, თუმცა მალევე გამოსულა დარბაზიდან და გაოცებულს უთქვამს: "ქალი კივა." რაც ნიშნავს, რომ საოპერო არია მან ქალის კივილად მონათლა. ქალბატონ სალომეს ძალიან უყვარს ამ ისტორიის მოყოლა და როდესაც ბლოგის სახელზე ბევრი, ძალიან ბევრი ვიკამათეთ, უცებ გაგვახსენდა ეს ფრაზა და მივხვდით, რომ ის ისე ახლოსაა ჩვენს ჯგუფთან, როგორც -არაფერი!
P.S. იმედია ქალბატონი სალომეა არ გვიწყენს და იუმორით მოეკიდება ჩვენს წამოწყებას. :)
No comments:
Post a Comment